Gallarí á Stongunum

Regin Jørgensen í Gallarí Á Stongunum

Í døgunum 2. – 16. november sýnir Regin Jørgensen fram í Gallarí Á Stongunum.

Framsýningin er opin hesar tíðir:

2. nov. kl. 15-20
3. – 16 nov. kl. 16-18

Regin Jørgensen

Sum smádrongur málaði og teknaði Regin javnan, og longu tá hann var blivin um 16 ára gamal, byrjaði hann so smátt at selja málningar.

Men tað var ikki fyrr enn í 2008 at verulig ferð kom á, og hann fór at mála so gott sum hvønn dag, tá tíðin var til tað. Regin býr nú í Sørvági og hevur Atelier 21 har.

Regin hevur sýnt fram heilt nógvastaðni í Danmark. Nakað í Hamburg í Týsklandi og eisini eitt sindur í Italien. Nevnast kunnu nøkur dømi: Galleri Blokhus, har hann beinanvegin gjørdist “Årets kunstner,” Midtjyllands Kunstcenter, Galleri 7 í Skagen, Møbelhus 2 í Tønder, Art Nordic, Stadtgallerie í Vesterland á Sylt (týsk oyggj) og í tveimum sera væl umtóktum kaffihúsum í Hamburg (Petit Cafe).

Her í Føroyum hevur hann fleiri ferðir sýnt fram í Smiðjuni í Lítluvík og Williamsstovu.
Í Klaksvík hevur hann áður sýnt fram í Leikalund í Klaksvík, men tað eru nú eftirhondini nøkur ár síðani, so nú var uppá tíðina at vitja Klaksvíkina aftur.

Hann hevur selt málningar til kundar runt stóran part av heiminum og málar ofta tað heilt klassiska føroyska landslagið, bæði í abstraktum og hálvabstraktum formi. Eisini málar hann andlitsmyndir og heilt figurativ myndaevni.