Rudda í grannaløgum

Árligur ruddingardagur hevur í fleiri ár verið fyriskipaður av kommununi, sum hevur heitt á borgarar, fyritøkur og stovnar, um at rudda útvald øki. Seinastu tvey árini hevur eisini verið skipað fyri grannarudding, og hevur hetta verið sera væl eydnað.

Síðstu árini hevur árligi ruddingardagurin verið knýttur at skránni í Virkið vár, har eitt av endamálunum er at stuðla undir ABC átakinum hjá Fólkaheilsustýrinum um at vera virkin saman og hugbundin.

Lagt verður upp til, at fólk skipa seg í sínum grannalagi ella í smærri bólkum, soleiðis at fólk eru saman um at rudda eitt felags øki. Í hesum sambandi verður eisini ein grannapakki latin hvørjum grannalagi, sum meldar seg til. Pakkin inniheldur bæði okkurt praktiskt til ruddingina, søtt til góman og grønar spírar, sum grannalagið kann fáa gleði av.

Fyri at fáa lut í einum grannapakka er neyðugt at melda til. Ruddingarátakið í grannaløgum er í døgunum 28. apríl – 4. mai og eru tað grannaløgini sjálvi, sum heinta grannapakkan og avgera, hvønn dag tey rudda.

Í tilmeldingini er neyðugt at upplýsa, hvussu nógv taka lut, og hvussu nógv húsarhald talan er um. Neyðugt er eisini, at grannaløgini skipa seg sjálvi við einum samskipari, sum útfyllir tilmeldingarskjalið.

Boð um hvar grannapakkin kann heintast, verða send til tey, sum melda til.

Melda til umvegis leinkjuna klaksvik.fo 

ENGLISH

For several years, the municipality has organized an annual cleanup day, encouraging citizens, companies, and institutions to help clean selected areas. In the past two years, a neighborhood cleanup initiative has also been introduced, which has been very successful.

In recent years, the annual cleanup day has been part of the Virkið vár program, one of the goals of which is to support the ABC initiative by the Public Health Authority, encouraging people to be active together and engaged.

The idea is for people to organize themselves within their neighborhood or in smaller groups, so that they can clean a shared area together. In this connection, each neighborhood that signs up will receive a neighborhood package. The package includes practical items for the cleanup, sweet treats, and green sprouts that the neighborhood can enjoy together.

To receive a neighborhood package, registration is required. The neighborhood cleanup campaign takes place from April 28th to May 4th, and it is up to each neighborhood to collect the package and decide which day to clean.

During registration, it is necessary to provide information about how many people will participate and how many households are involved. The neighborhoods also need to appoint a coordinator who fills out the registration form.

Information about where to pick up the neighborhood package will be sent to those who register.

Register via the link klaksvik.fo