Visti tú at eitt petti av Nóa ørk er onkustaðni á Kunoynni? Kræklingar og kúvingar vaksa á tí. Tá ið menn villast í mjørka á fjøllunum har, er sagt, at teir eru komnir fram á tað, men eingin hevur funnið tað, sum er farin at leita eftir tí. Kelda: Snar.fo

Eitt øki niðanfyri plantasjuna kalla kuningar fyri “frammi í Paradísi”, tí har er so vakurt og gróðrarmikið. Sig so tað.

Tað er ikki bara gróðrarmikið í Kunoy – har liva eisini fleiri exotisk djórasløg – og tey kanst tú síggja í dymbildagavikuni. Djóragarðurin í Kunoy bjóðar nemliga inn at síggja hesi sjáldsomu djórini.

Opið er mánadagin – leygardagin kl 14-19. Langa fríggjadag er tó ikki opið.

Fjøllini í Kunoy eru eisini nakað fyri seg – av teimum 10 fjøllunum í Føroyum, sum eru omanfyri 800 metrar, eru sjey av teimum í Kunoy. Tað er ikki bara bara at fara í fjøllini í Kunoy – faktiskt siga vit at tað skal bara gerast saman við staðkendum ferðaleiðara. Vit kenna fleiri.

Nakað sum tó er so líkatil, er at fara ein túr í Plantasjuna omanfyri Kunoyarbygd. Mitt í plantasjuni er Eggjarsteinur – tað er møguliga stórsti fríttstandandi steinur í Føroyum – og har hongur eitt reip omanav honum. Hvør klárar at klintra uppá steinin?