Visti tú at Syðradalur er ein niðursetubygd, og at fólk av Blankskála búsettust á Syðradali tíðliga í nítjandu øld? Á Blankskála var vandin fyri skalvalopum stórur, og enn mintust fólk stóru vanlukkurnar, sum stóðust av skalvalopunum í Gerðum í 1745 og aftur í 1765. Á Syðradali vóru tey betur vard.

Men visti tú eisini at fimm íbygdir steinar eru á Syðradali? Tveir í sjálvari bygdini, tveir í bønum og ein uttanfyri garðarnar. Ikki er sørt at fólk hava sæð okkurt við og kring hesar steinar. Hetta veit Visit Kalsoy alt um.

Á sumri 2016 hátíðarhelt Syðradalur sín 200 ára dag, og í tí sambandi gjørdi Edward Fuglø, sum er ættaður av Syðradali, eina plakat, har bygdin er myndaevnið, og føroyskar blómur vaksa uppum alt. Vit hava nakrar fáar av teimum plakatunum til sølu á kunningarstovuni. Kom inn og síggj tær.