Stovukonsert við Steintór Rasmussen

Tað verður serstakt og søguligt. Steintór Rasmussen við gittara og sangi í sínum kæra heimstaði. Tað var her á staðnum, at hann misti sítt unga hjarta og yrkti sínar fyrstu sangir. Um nærveru og vakurleikan millum stór og treystlig fjøll, um tann svanga Hundin Brúna og tey lívsjáttandi orðini Eg vil elska, eg vil liva, eg vil fevna kærleikan.

Steintór mundi longu sum 23 ára gamal hava skilt, at listaverkið fór ongantíð at vera liðugt. Men at skriva er at liva. Og tað fellur Steintóri nátúrligt at yrkja og syngja á móðurmálinum.

Tað er sum skaldið hyggur út gjøgnum vindeygað og orðini koma til hansara. Tú hevur hugt út yvir fjørðin og longst at sloppið vekk. Steintór hevur skrivað hópin av sangum um alt millum himmal og jørð. Men sjálvandi hevur hann eisini yrkt um Heimstaðið og Føroyar. Og sangir um frælsi og frið og um allar heimsins vanlukkur. Tónleikurin er eitt mál, sum flytir øll hugans mørk. Og fáur dugir sum Steintór við sínum óteljandi sangum at lýsa, hvør menniskjan er og hvørjar kenslur vit rúma.

Talan er um stovukonsert har sitið verður við borð. Hvørt borð hevur 4 pláss, so tað er umráðandi at bíleggja saman, um tit vil sita saman. Lítli køkurin hevur opið við brellbitum og Fjósið hevur opið við góðum víni o.ø.

Dyrnar lata upp kl 19:00 so tað er møguligt at finna sær pláss, og at keypa sær okkurt gott at njóta áðrenn tónleikurin byrjar kl. 20.

Keyp atgongumerki her

Konsertin er stuðlað av Økistónum.

EN

This will be a very special evening with Faroese singer-songwriter Steintór Rasmussen, performing with just his voice and guitar in the place where his musical journey began.

Steintór has a strong connection to his hometown and the surrounding landscape. It was here, among the mountains and overlooking the fjord, that he wrote some of his first songs.

Over the years, he has become one of the Faroe Islands’ well-known songwriters, writing songs about life, love, nature, home and the Faroe Islands. His music also explores themes such as freedom, peace and the challenges we face in the world.

Steintór writes and sings in Faroese, his native language. Even if you do not understand the words, the music, atmosphere and emotions make this a special opportunity to experience Faroese music and culture in an intimate setting.

The concert will have a cosy, living-room atmosphere, with guests seated at tables. Each table seats four people, so if you would like to sit together, we recommend booking your tickets together.

The small kitchen will be open with light bites, while Fjósið will serve wine and other drinks.

Doors open at 7:00 PM, giving you time to find your seat and enjoy something to eat or drink before the concert begins at 8:00 PM.

Buy tickets here

The concert is supported by Økistónar.